ALIYOYASEMA KAIMU KATIBU MKUU UVCCM SHAKA HAMDU SHAKA (MNEC) WAKATI AKIONGEA NA VIONGOZI WA CCM NA JUMUIYA ZAKE AKIWA KATIKA ZIARA KWENYE KATA NNE ZA WILAYA YA ILALA JUMAPILI 8/10/2017 UKUMBI WA VASCO DA GAMA PUGU

"Kinadharia na kiuhalisia Waziri Mkuu aliyejiuzulu kwa kashfa ya Richmond Edward Lowassa yuko  katika majuto makubwa kwa kupitisha uamuzi wa kuhama CCM kutokana na hali ya kisiasa aliyoikuta Chadema kuwa  kinyume na matarajio yake" - Shaka

"Watu aliowashawishi kuondoka CCM na waliobaki amewakosesha heshima na amana ya kisiasa aidha kwa walichohamia uongozini na wale waliobaki CCM" - Shaka

"Jambo la kusikitisha kumuona Waziri Mkuu huyo wa zamani akiwataka wanachama waliopo CCM waliokuwa wakigombea nafasi mbali mbali na kutopitishwa na vikao kujiunga na Chadema wakati yeye mwenyewe yuko mguu ndani mguu nje" - Shaka

"Lowasaa kimsingi amepoteza mvuto na heshima  kisiasa aliyokuwanayo kabla ya kuhama CCM na sasa amebaki ni Mwanasiasa zilipendwa akijikongoja ili aonekane yupo wakati  ameshachujuka." - Shaka

"Lowassa asiudanganye ulimwengu kama bado angali na mvuto wa kisiasa kama alivyokuwa CCM iliyompa heshima, umaarufu na kuheshimika kisiasa. Amehama na sasa amebaki kama Samaki aliyetolewa nje ya maji" - Shaka

"Hakuna Mwana CCM yeyote  anayetengwa, anayebughiwa au watu kumnyanyapaa kama anavyodai Lowassa kwa lengo la kutaka kujitutumua kisiasa na aonekane yupo yupo." - Shaka

CCM inafuraha kubwa kumuona Lowassa akikubali kuuungana na wale waliomtukana, kumwita fisadi, mwizi na mbadhirifu wa mali za umma sasa akiwafanya  marafiki. Itakuaje Mtu akutukane mchana kisha usiku akusifu, na wewe uone fahari, ajabu!" - Shaka

"Lowassa ameshiriki kutenda kosa la kihistoria katika siasa kwa kukubali kukiacha chama alichokitumikia muda mrefu na kujiunga Chadema huku akimrubuni  Mwanasiasa mkongwe Mzee Kingunge Ng'ombale Mwiru naye amfuate na kumpoteza kwenye ramani ya kisiasa." - Shaka

"Wana CCM msibabaishwe kabisa na maneno ya Wanasiasa wa upizani ambao kwa sasa nidhahiri wanaonekana kutapatatapa na kutaka kujitutumua ili waje juu wakati amemalizika na kufilisika kisiasa." - Shaka

"Wananchi wote wanajua yaliofanywa na kundi la Mafisadi kuiibia nchi rasiliamli za Taifa, kuingia mikataba ya hovyo, kupora mashamba na Ranchi za Taifa huku wakifahamu uchumi wa nchi ni kina nani waliouvuruga na kutufiksha hapa tulipo" - Shaka

"Hakuna Mwanasiasa yeyote mwenye jeuri na ubavu wa kuhama CCM hata leo na kudhania anaweza kuwa na matarajio ya kuendelea kupata umaarufu na heshima ya kisiasa kama alivyokuwa wakati akiwa chama tawala." - Shaka

 "CCM ni chama kikubwa chenye uzoefu mkubwa katika masuala ya siasa, utawala na diplomasia hivyo haiwezi hata siku moja kutishika kwa kivuli cha Lowassa, Kingunge au Fredrick Sumaye." - Shaka

"Nguvu za Mamba ni pale anapokuwa ndani ya maji ya mto au ziwani,  ukimweka nchi kavu anaweza kupigwa mieleka  hata na fisi na wala asifurukute au kujitetea kwa lolote. Lowassa anajitisha kwa kivuli chake" - Shaka

Shaka H. Shaka ni Kaimu Katibu Mkuu UVCCM Taifa